Samkvæmt wikipediu þá eru Vestfirsku Alparnir "skagi og fjallgarður milli Arnarfjarðar og Dýrafjarðar sunnan frá Þingeyri" og við Janus Bragi fórum svo sannarlega að skoða Vestfirsku Alpana.
Ég ætlaði okkur þó um of.
Mig langaði mikið til að komast alla leið á toppinn á Vestfirsku Ölpunum, en við festumst víst á hrygg milli Dýrafjarðar og Arnarfjarðar og fengum okkur í gogginn þar.
Á matseðlinum í dag eru bláskeljar, hráefni sem er í miklu uppáhaldi hjá mér. Ekki bara vegna bragðsins heldur er hún, undir öllum venjulegum kringustæðum, kolefnishlutlaus. Í Belgíu er þetta ódýrt hráefni sem fæst nánast alltaf, yndislega auðvelt að elda og enn yndislegra á bragðið! Boðið fram með nýbökuðu brauði eða heimagerðum Belgískum (djúpsteiktum) kartöflum og heimagerðu Mæjónesi.
Linkur á þátt: https://www.ruv.is/sjonvarp/spila/sod-i-dyrafirdi/31692/9e7k63
Uppskrift
750 gr fersk bláskel (fyrir tvo)
Hellingur af steinselju
1 stk laukur
3 hvítlauksrif
1 lítill fennikka
Smjör / olía til steikingar
330 ml bjór
Aðferð
Byrjið á að setja skeljarnar í skál með köldu vatni í svona 30-60 min Þær byrja þá að spýta út úr sér sandi og öðrum óþverra sem er vont undir tönn.
Saxið laukinn smátt
Skera fennikkuna í skífur
Saxa þrjá hvítlauksgeira
Saxið steinselju
Steikið laukinn og fennikkuna í olíu / smjöri
Setjið svo hvítlaukinn út í Steikið í smá stund
Loks setjið þið skeljarnar út í og steikið og hrærið í
Bjórinn heltur út í og lokinu skellt á þangað til að skeljarnar opnast
Þá er hægt að bera skeljarnar fram með geggjuðu brauði eða Belgískum kartöflum
